ജനമഹായാത്രയ്ക്ക് വർക്കലയിൽ ഊഷ്‌മളമായ വരവേല്പ്

വർക്കല: കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രൻ നയിക്കുന്ന ജനമഹായാത്രയ്ക്ക് ജില്ലാ അതിർത്തിയായ പാരിപ്പള്ളി മുക്കടയിലും വർക്കലയിലും ഊഷ്‌മളമായ വരവേല്പ്. ജില്ലാ അതിർത്തിയായ മുക്കടയിൽ ഡി.സി.സിയുടെ നേതൃത്വത്തിലാണ് സ്വീകരണം നൽകിയത്. ജില്ലാ പ്രസിഡന്റ് നെയ്യാറ്റിൻകര സനൽ ഷാൾ അണിയിച്ചാണ് മുല്ലപ്പള്ളി രാമചന്ദ്രനെ എതിരേറ്റത്. വി.എസ്. ശിവകുമാർ, കൊടിക്കുന്നിൽ സുരേഷ് എം.പി, എം.എം. ഹസൻ, അഡ്വ. കെ.ആർ. അനിൽകുമാർ, വർക്കല കഹാർ, കെ.എസ്. ശബരീനാഥൻ എം.എൽ.എ, പാലോട് രവി, പീതാംബരക്കുറുപ്പ്, ശൂരനാട് രാജശേഖരൻ, അഡ്വ. സി.ആർ. ജയപ്രകാശ്, തമ്പാനൂർ രവി, കരകുളം കൃഷ്ണപിള്ള, എം. വിൻസെന്റ് എം.എൽ.എ, ശരത്ചന്ദ്ര പ്രസാദ്, രമണി പി. നായർ, അഡ്വ. ബിന്ദുകൃഷ്ണ, ലതികാ സുഭാഷ്, കിളിമാനൂർ സുദർശനൻ, ആനാട് ജയൻ, ബീമാപള്ളി റഷീദ്, വിദ്യാധരൻ, ഭഗവത് സിംഗ്, കെ.കെ. രവീന്ദ്രനാഥ്, അഡ്വ. വി.എസ്. ഹരീന്ദ്രനാഥ് തുടങ്ങിയവർ സ്വീകരണത്തിൽ സംബന്ധിച്ചു.