Search
Close this search box.

95-ന്റെ നിറവിൽ ജി.കെ. പിള്ള- എംഎൽഎ ആദരിച്ചു

ei7ZIAP81336

മലയാള സിനിമാരംഗത്ത് 63 വർഷമായി അഭിനയം തുടരുന്ന ജി.കെ പിള്ള 95-ന്റെ നിറവിൽ. അഭിനയ കുലപതി പ്രേംനസീറുമായി തുടക്കം. ഇപ്പോഴും സിനിമ സീരിയൽ രംഗത്ത് നിറ സാന്നിധ്യം.വർക്കല എംഎൽഎ നേരിട്ടു ചെന്ന് അദ്ദേഹത്തെ ആദരിച്ചു.

1925-ൽ ചിറയിൻകീഴിലാണ് ജി.കെ.പിള്ള ജനിച്ചത്. 1940-ൽ പട്ടാളത്തിൽ ചേർന്നു. നാട്ടുകാരനായ പ്രേംനസീർ സിനിമയിലെത്തിയെന്നറിഞ്ഞതോടെയാണ് സിനിമാമോഹം തലയ്ക്കുപിടിച്ചത്. 1952-ൽ പട്ടാളത്തിൽനിന്നു പിരിഞ്ഞശേഷമാണ് സിനിമയിൽ എത്തിയത്. 1954-ൽ സ്നേഹസീമയെന്ന ചിത്രത്തിലാണ് ആദ്യം അഭിനയിച്ചത്. പ്രേംനസീർ ചിത്രങ്ങളിലെ വില്ലൻ വേഷങ്ങളിലൂടെയാണ് ശ്രദ്ധനേടിയത്. നിരവധി വടക്കൻപാട്ട് സിനിമകളിലും പ്രധാനവേഷങ്ങൾ അവതരിപ്പിച്ചു. സത്യൻ, നസീർ മുതൽ ദിലീപ് വരെയുള്ളവരുടെ 350-ഓളം ചിത്രങ്ങളിൽ വേഷമിട്ടു. കാര്യസ്ഥനാണ് പ്രധാന വേഷത്തിലഭിനയിച്ച അവസാനചിത്രം. പത്തോളം സീരിയലുകളിൽ അഭിനയിച്ച് കുടുംബപ്രേക്ഷകരുടെയും മനംകവർന്നു. പിറന്നാൾ ചൊവ്വാഴ്ചയാണെങ്കിലും സഹപ്രവർത്തകർക്കും ബന്ധുക്കൾക്കും സുഹൃത്തുക്കൾക്കുമായി ഞായറാഴ്ച പിറന്നാൾ സദ്യയൊരുക്കുന്നുണ്ട്. അദ്ദേഹത്തിന്റെ വർക്കല ഇടവ മാന്തറ വലിയമാന്തറവിളയിൽവീട് അതിനുള്ള ഒരുക്കങ്ങളിലാണ്.

Facebook
Twitter
LinkedIn
Telegram
WhatsApp
Print
Facebook
Twitter
Telegram
WhatsApp
Search
error: Content is protected !!