കൊടുവഴന്നൂർ : മോഷണ കേസ് പ്രതി 12 വർഷത്തിന് ശേഷം പിടിയിൽ. കൊടുവഴന്നൂർ ശീമവിള മേലേവിള പുത്തൻവീട്ടിൽ ഭാസ്കരന്റെ മകൻ സജുവിനെയാണ് ചടയമംഗലം പോലീസ് അറസ്റ്റ് ചെയ്തത്. കഴിഞ്ഞ 12 വർഷമായി കേരളത്തിലെ പല ഭാഗങ്ങളിലായി മുങ്ങിനടന്ന ഇയാളുടെ പേരിൽ കിളിമാനൂർ, വെഞ്ഞാറമൂട്, ആറ്റിങ്ങൽ, നെടുമങ്ങാട്, കടയ്ക്കൽ, കല്ലമ്പലം, വർക്കല, ചടയമംഗലം എന്നീ പോലീസ് സ്റ്റേഷനുകളിൽ നിരവധി മോഷണ കേസുകളുണ്ട്. ചടയമംഗലം എസ് എച്ച്.ഒ സജു.എസ്.ദാസിന്റെ നേതൃത്വത്തിൽ കഴിഞ്ഞ ദിവസം രാത്രിയിൽ നടത്തിയ സ്പെഷ്യൽ ഡ്രൈവിലാണ് പ്രതിയെ പിടികൂടിയത്. സി.പി.ഒ മാരായ അനീഷ്, സുജിത്ത് തുടങ്ങിയവർ അന്വേഷണ സംഘത്തിൽ ഉണ്ടായിരുന്നു.
കിണറ്റിൽ കുടുങ്ങിയ തൊഴിലാളികളെ വെഞ്ഞാറമൂട് ഫയർഫോഴ്സ് രക്ഷപ്പെടുത്തി
April 25, 2024
9:35 am
