മംഗലപുരം മംഗലപുരം പോലീസ് സ്റ്റേഷൻ പരിധിയിൽ ചെമ്പകമംഗലത്ത് വ്യാപാര സ്ഥാപനത്തിൽ മോഷണം. സുദേവൻ സ്റ്റോറിലാണ് മോഷണം നടന്നത്. ഇന്ന് രാവിലെ 6 മണിയോടെയാണ് ഉടമ സുധീഷ് മോഷണ വിവരം അറിയുന്നത്. കടയിലെ ഷട്ടറിന്റെ പൂട്ട് പൊളിച്ചാണ് മോഷ്ടാവ് അകത്തു കടന്നത്. 50, 000 രൂപ വിലമിതിക്കുന്ന സിഗററ്റ്, മൊബൈൽ ഫോൺ, 40,000 രൂപ എന്നിവ നഷ്ടമായെന്ന് സുധീഷ് പറയുന്നു. പുലർച്ചെ 6 മണിയോടെ ഓട്ടോക്കാരാണ് കട തുറന്നു കിടക്കുന്നതറിഞ്ഞ് സുധീഷിനെ വിവരം അറിയിക്കുന്നത്. മംഗലപുരം പോലീസും ഡോഗ് സ്ക്വാഡ്, ഫോറൻസിക് വിഭാഗം എന്നിവർ സ്ഥലത്തെത്തി തെളിവുകൾ ശേഖരിച്ച് അന്വേഷണം ആരംഭിച്ചു.