നാവായിക്കുളം : കടമ്പാട്ടുകോണത്ത് വീട്ടിൽ ഒതുക്കി വെച്ചിരുന്ന ബൈക്ക് കത്തിനശിച്ച നിലയിൽ. കടമ്പാട്ടുകോണം പുത്തൻവിള വീട്ടിൽ രഞ്ജിത്തിന്റെ ഉടമസ്ഥതയിലുള്ള വാഹനമാണ് കത്തിയത്. വ്യാഴാഴ്ച രാത്രി 11.45-നായിരുന്നു സംഭവം. തീ ആളിമപ്പടരുന്നത് ശ്രദ്ധയിൽപ്പെട്ട വീട്ടുകാർ വെള്ളമൊഴിച്ചു തീയണച്ചു.തുടർന്ന് വിവരം കല്ലമ്പലം പോലീസിനെ അറിയിച്ചു. കല്ലമ്പലം പോലീസ് സംഘവും ഫൊറൻസിക് വിദഗ്ദ്ധരും ഡോഗ് സ്ക്വാഡും എത്തി പരിശോധന നടത്തി.
