നാവായിക്കുളത്ത് കുളത്തിൽ കാണാതായ കുട്ടിയുടെയും മൃതദേഹം കണ്ടെത്തി

നാവായിക്കുളം : മൂത്ത മകനെ വീടിനുള്ളിൽ കഴുത്തറുത്തു കൊലപ്പെടുത്തിയ ശേഷം ഇളയ മകനുമായി പിതാവ് കുളത്തിൽ ചാടിയ സംഭവത്തിൽ പിതാവിന്റെയും കുട്ടിയുടെയും മൃതദേഹം കണ്ടെത്തി. നാവായിക്കുളം നൈനാം കൊണം കാട്ടിൽ വീട്ടിൽ സഫീർ (35) ന്റെ മൃതദേഹം കണ്ടെത്തി മൂന്ന് മണിക്കൂറുകൾക്ക് ശേഷമാണ് ഇളയമകൻ അൻഷാദ് (9)ന്റെ മൃതദേഹം കണ്ടെത്തിയത്.മൂത്ത മകൻ അൽത്താഫിനെ വീടിനുള്ളിൽ കഴുത്തറുത്തു കൊല്ലപ്പെട്ട നിലയിൽ കണ്ടെത്തിയിരുന്നു. ഇന്ന് രാവിലെയാണ് സംഭവം. നാവായിക്കുളം ശ്രീ ശങ്കര നാരായണ സ്വാമി ക്ഷേത്ര കുളത്തിലാണ് മകനുമായി പിതാവ് ചാടിയത്. ഇയാളുടെ ഓട്ടോ കുളത്തിന് സമീപം നിറുത്തിയിട്ടിരുന്നു. ഫയർ ഫോഴ്‌സും സ്‌ക്യൂബാ ടീമും നടത്തിയ തിരച്ചിലിലാണ് മൃതദേഹങ്ങൾ കണ്ടെടുത്തത്. ആറ്റിങ്ങൽ ഡിവൈഎസ്പിയുടെ നേതൃത്വത്തിൽ മറ്റു നടപടികൾ പുരോഗമിക്കുന്നു.