വർക്കല:വർക്കലയിൽ ഓടിക്കൊണ്ടിരുന്ന ട്രെയിനിൽ തീ പീടിച്ചു.മലബാർ എക്സ്പ്രസിന്റെ ലഗേജ് വാനിലാണ് തീപ്പിടുത്തം ഉണ്ടായത്. ഇന്ന് രാവിലെ 7 അര മണിയോടെയാണ് സംഭവം. തീയും പുകയും ഉയരുന്നത് കണ്ട യാത്രക്കാർ ചങ്ങല വലിച്ച് തീവണ്ടി നിർത്തുകയായിരുന്നു. തുടർന്ന് ട്രെയിൻ ഇടവയിൽ പിടിച്ചിട്ടു. നാട്ടുകാരാണ് ആദ്യം രക്ഷാപ്രവർത്തനത്തിനും തീയണക്കാനും മുന്നിലെത്തിയത്. തുടർന്ന് വർക്കല, പരവൂർ എന്നിവടങ്ങളിൽ നിന്ന് അഗ്നി ശമനസേന സ്ഥലത്തെത്തി 9 മണിയോടെ തീ അണച്ചു.പാർസൽ ബോഗിയിൽ ബൈക്കുകളുണ്ടായിരുന്നു.ബൈക്കുകളുരസിയുള്ള തീപ്പൊരിയിൽ നിന്നാണ് തീപ്പിടിച്ചതെന്നാണ് പ്രാഥമിക നിഗമനം. യാത്രക്കാരുടെ സമയോചിതമായ ഇടപെടൽ മൂലം മറ്റു ബോഗികളിലേക്ക് തീ പടരാതെ വൻ ദുരന്തം ഒഴിവായി.
വീഡിയോ കാണാൻ ഇവിടെ ക്ലിക്ക് ചെയ്യുക
