അഞ്ചുതെങ്ങിൽ ആകാശത്ത് അപൂർവ്വ കാഴ്ച ദൃശ്യമായി. രാവിലെ ആറരയോടെയാണ് ആകാശത്ത് നിന്നും കടലിലേയ്ക്ക് ടോർച് അടിയ്ക്കുന്നതിന് സമാനമായി തോന്നിപ്പിക്കുന്ന ദൃശ്യം തെളിഞ്ഞത്.
ഏകദേശം അഞ്ച് മിനിട്ടോളം പതിയെ സഞ്ചരിക്കുന്നതായി തോന്നിപ്പിയ്ക്കും വിധം നീണ്ടുനിന്ന ഈ കാഴ്ച പതിയെ മങ്ങി പോകുകയായിരുന്നുവെന്ന് ദൃക്സാക്ഷികൾ പറയുന്നു.
വാൽ നക്ഷത്രങ്ങളോട് സാദൃശ്യമുണ്ടെങ്കിലും ഇത് അത്തരം പ്രകാശമാകാൻ സാധ്യത ഇല്ലെന്നാണ് പഴമക്കാരായ മത്സ്യത്തൊഴിലാളികൾ പറയുന്നത്.എന്നാൽ ഐഎസ്ആർഒയുടെ ഈ വർഷത്തെ ആദ്യ ഉപഗ്രഹ വിക്ഷേപണ വാഹനമായ പിഎസ്എൽവി-സി52 ന്റെ വിക്ഷേപണം ഇന്നായിരുന്നു.
ശ്രീഹരിക്കോട്ടയിലെ സതീഷ് ധവാൻ സ്പേയ്സ് സെന്ററിലെ ഒന്നാം വിക്ഷേപണത്തറയിൽ നിന്നും പുലർച്ചെ 5.59നായിരുന്നു വിക്ഷേപണം. ഇതാകാം ദൃശ്യങ്ങൾക്ക് കാരണമായതെന്നും സൂചയുണ്ട്.