കഞ്ചാവ് കൈവശം വച്ച പറണ്ടോട് നാലാംകല്ല് ലക്ഷംവീട് കോളനിയിൽ എം.ഷംനാദിനെ (40) ആര്യനാട് പൊലീസ് അറസ്റ്റ് ചെയ്തു. മീനാങ്കൽ ഗവ.ട്രൈബൽ ഹൈസ്കൂളിന് മുൻപിലുള്ള റോഡിൽ വച്ചാണ് കസ്റ്റഡിയിൽ എടുത്തത്. 435 ഗ്രാം കഞ്ചാവും ഷംനാദിന്റെ ഓട്ടോയും കസ്റ്റഡിയിലെടുത്തു. വിദ്യാർഥികളെ കേന്ദ്രീകരിച്ചാണ് കഞ്ചാവ് വിൽപന എന്ന് പൊലീസ് പറഞ്ഞു. കഞ്ചാവ് കേസിൽ മുൻപും ഷംനാദ് പ്രതിയായിട്ടുണ്ടെന്ന് ആര്യനാട് ഇൻസ്പെക്ടർ എൻ.ആർ.ജോസ് അറിയിച്ചു. എസ്ഐ എൽ.ഷീനയുടെ നേതൃത്വത്തിലാണ് ഷംനാദിനെ പിടികൂടിയത്.
