കിളിമാനൂർ എക്‌സൈസ് പുതിശ്ശേരിമുക്കിന് സമീപം വട്ടകൈതയിൽ നിന്നും 200എംജി മാരകമയക്കുമരുന്നായ എംഡിഎംഎയുമായി പുതിശ്ശേരിമുക്ക് സ്വദേശികളായ അഹമ്മദ് നസീർ, തൻസീൽ എന്നിവരെ അറസ്റ്റ് ചെയ്തു കേസെടുത്തു.എഞ്ചിനീയറിംഗ് കോളേജ് അടക്കമുള്ള വിദ്യാലയങ്ങളിലെ വിദ്യാർത്ഥികൾക്കും യുവാക്കൾക്കും മയക്കുമരുന്ന് വിൽപ്പന നടത്തുന്ന കല്ലമ്പലം കേന്ദ്രീകരിച്ചുളള സംഘത്തിലെ കണ്ണികൾ ആണ് അറസ്റ്റിലായ അഹമ്മദ് നസീറും, തൻസീലുമെന്ന് ഉദ്യോഗസ്ഥർ പറഞ്ഞു. എക്‌സൈസ് റെയ്ഡിൽ എക്‌സൈസ് ഇൻസ്പെക്ടർ മോഹൻകുമാർ, അസിസ്റ്റന്റ് എക്‌സൈസ് ഇൻസ്പെക്ടർ സാജു, പ്രിവന്റീവ് ഓഫീസർമാരായ ഷൈജു, അനിൽകുമാർ, സിവിൽ എക്‌സൈസ് ഓഫീസർമാരായ ജെസീം, രതീഷ്, ആദർശ് എന്നിവർ പങ്കെടുത്തു. നഗരൂർ, കല്ലമ്പലം മേഘലകളിൽ ലഹരിമാഫിയ പിടിമുറുക്കുകയാണെന്നും കഴിഞ്ഞ രണ്ട് മാസത്തിനുള്ളിൽ ഈ പ്രദേശത്ത് നിന്ന് മാത്രം മൂന്ന് കേസുകൾ കിളിമാനൂർ എക്‌സൈസ് കണ്ടെത്തിയതായും പരിശോധന തുടരുമെന്നും കിളിമാനൂർ എക്‌സൈസ് അറിയിച്ചു.
