അനധികൃതമായി വീട്ടിൽ വിൽപ്പനയ്ക്കായി ചാക്കിൽ കെട്ടി സൂക്ഷിച്ചു വച്ചിരുന്ന 25 ഓളം മദ്യം അടങ്ങിയ കുപ്പികൾ കടയ്ക്കാവൂർ പോലീസ് പ്രതിയുടെ വീട്ടിൽ നിന്നും പിടികൂടി. വക്കം സതീഷി(28)നെയാണ് കടയ്ക്കാവൂർ പോലീസ് അറസ്റ്റ് ചെയ്തത്. പ്രതിയുടെ വീട്ടിൽ ആൾക്കാർ നിരന്തരം വന്നു പോകുന്നതായും പരിസരപ്രദേശത്ത് അനധികൃതമായി മദ്യം വിൽപ്പന നടത്തുന്നതുമായി എസ്എച്ച്ഒ അജേഷ് വി ക്ക് ലഭിച്ച രഹസ്യ വിവരത്തെ തുടർന്ന് പോലീസ് നിരീക്ഷണം നടത്തി വരവേയാണ് പ്രതി പിടിയിലായത്. വീട്ടിൽ പരിശോധനയ്ക്ക് എത്തിയ പോലീസ് സംഘം വീടിന്റെ അടുക്കളയിൽ ചാക്കിൽ കെട്ടി ഒളിപ്പിച്ച 25 ഓളം വിവിധ അളവിലും ബ്രാന്റിലും ഉള്ള മദ്യക്കുപ്പികൾ പിടിച്ചെടുത്തു. സർക്കാർ ഉദ്യോഗസ്ഥരെ ആക്രമിച്ച കേസ്, അടിപിടി കേസ്,കൊലപാതകം, തുടങ്ങി നിരവധി കേസുകൾ പ്രതിക്ക് നിലവിലുണ്ട്.
കടയ്ക്കാവൂർ എസ് എച്ച് ഒ അജേഷ് വി, എസ് ഐ മാരായ ദീപു,മാഹിൻ,എ എസ് ഐ മാരായ ശ്രീകുമാർ, ജയകുമാർ,രാജീവ്‌, എസ്. സി. പി. ഒ മാരായ ജ്യോതിഷ് കുമാർ, അഭിജിത്ത് കൃഷ്ണ, ഡബ്ല്യൂസിപിഒ മേരി എന്നിവർ അടങ്ങിയ സംഘമാണ് പ്രതിയെ പിടികൂടിയത്. കോടതിയിൽ ഹാജരാക്കിയ പ്രതിയെ ചെയ്തു
