എംപി സ്ഥാനത്തുനിന്ന് രാഹുൽ ഗാന്ധിയെ അയോഗ്യനാക്കിയ നടപടിയിൽ പ്രതിഷേധിച്ചുകൊണ്ട് അഞ്ചുതെങ്ങിൽ കോൺഗ്രസ്സ് മണ്ഡലം കമ്മറ്റിയുടെ നേതൃത്വത്തിൽ പ്രതിഷേധ ജാഥ സംഘടിപ്പിച്ചു.
മണ്ഡലം പ്രസിഡണ്ട്‌ ജൂഡ് ജോർജ്ജ് നേതൃത്വം വഹിച്ച പരിപാടിയിൽ നെൽസൺ ഐസക്, യേശുദാസൻ സ്റ്റീഫൻ,ഷെറിൻ ജോൺ,സേവ്യർ, ഔസേപ്പ് ആന്റണി, ഷാജി, അൻവർഷാ, നൗഷാദ്, ഷൈജു കൃഷ്ണ, തമ്പി, ഗോമസ്, ബിജു പാപ്പച്ചൻ,റോബിൻ,ഷിബു എന്നിവർ നേതൃത്വം നൽകി.
വർക്കലയിൽ കോൺഗ്രസ് പ്രവർത്തകർ വാ മൂടിക്കെട്ടി പ്രതിഷേധ പ്രകടനം നടത്തി.റെയിൽവേ സ്റ്റേഷൻ മൈതാനിയിൽ നിന്നാരംഭിച്ച പ്രകടനം പോലീസ് സ്റ്റേഷൻ ഐലന്റ് ചുറ്റി മൈതാനം ടൗണിൽ സമാപിച്ചു. കോൺഗ്രസ് മണ്ഡലം പ്രസിഡന്റ് സജി വേളിക്കാട് അധ്യക്ഷത വഹിച്ചു. മുൻ എം.എൽ.എ വർക്കല കഹാർ ഉദ്ഘാടനം ചെയ്തു. ബ്ലോക്ക് പ്രസിഡന്റ് രഘുനാഥൻ,ഡി.സി.സി വൈസ് പ്രസിഡന്റ് പി.എം.ബഷീർ എന്നിവർ സംസാരിച്ചു.
അഡ്വ.അസീംഹുസൈൻ, വി.ജോയി, എസ്.ജയശ്രീ, കല്ലമ്പലം ജിഹാദ്, ബദുൻഷാ തുടങ്ങിയവർ നേതൃത്വം നൽകി.
