വിളപ്പിൽശാല: വിളപ്പിൽശാല ഗവ.യു.പി.സ്കൂളിന്റെ 75ാം വാർഷികവും രക്ഷാകർതൃദിനവും പ്രീ-പ്രൈമറിയുടെ 29-ാം വാർഷികവും എൻഡോവ്മെന്റ് വിതരണവും 2023 മാർച്ച് 31 വെള്ളിയാഴ്ച നടന്നു.
രാവിലെ 10 മണിക്ക് ആരംഭിച്ച ആഘോഷ പരിപാടികൾ രാത്രി 9മണി വരെ നീണ്ടു. ആഘോഷ പരിപാടികൾ പിടിഎ പ്രസിഡന്റ് ജയകുമാർ അധ്യക്ഷത വഹിച്ച ചടങ്ങിൽ വിളപ്പിൽ പഞ്ചായത്ത് പ്രസിഡന്റ് ലില്ലി മോഹൻ ഉദ്ഘാടനം ചെയ്തു.
കുട്ടികളുടെ കലാസന്ധ്യ’ രാഗലയം2023′ പ്രശസ്ത സിനിമ സീരിയൽ താരം ദിനേശ് പണിക്കരും ഇ-ലൈബ്രറിയുടെ ഉദ്ഘാടനം തിരുവനന്തപുരം ജില്ലാ പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മറ്റി ചെയർമാൻ വിളപ്പിൽ രാധാകൃഷ്ണനും നിർവഹിച്ചു.
വിളപ്പിൽ പഞ്ചായത്ത് വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്സൺ ഫ്ലോറൻസ് സരോജം വിവിധ എൻഡോവ്മെന്റുകളുടെ വിതരണം നടത്തി. യോഗത്തിൽ വിളപ്പിൽ പഞ്ചായത്ത് വൈസ് പ്രസിഡന്റ് ഡി. ഷാജി, ഹെഡ് മാസ്റ്റർ അജിത്ത്കുമാർ, സീനിയർ അസിസ്റ്റന്റ് ബിന്ദു മോൾ, സ്റ്റാഫ് സെക്രട്ടറി ഫസിൽ ദാസ്, കലാ വിഭാഗം കൺവീനർ റീനാദാസ് , പഞ്ചായത്ത് പ്രതിനിധികൾ തുടങ്ങിയവർ സംസാരിച്ചു.
