കരവാരം പഞ്ചായത്ത് കുടുംബശ്രീ സി.ഡി.എസിന്റെ നേതൃത്വത്തിൽ വിഷു ചന്തയ്ക്ക് തുടക്കമായി. കരവാരം പഞ്ചായത്തിന്റെ ചാത്തമ്പറ കേന്ദ്രീകരിച്ചാണ് ഇത്തവണ വിഷു ചന്ത ഒരുക്കിയിരിക്കുന്നത്. ഏപ്രിൽ 13ന് തുടങ്ങി 15 വരെ വിഷു ചന്ത പ്രവർത്തിക്കും. ഈ ചന്തയിൽ കുടുംബശ്രീ സംരംഭകരുടെ വിവിധ ഉൽപ്പന്നങ്ങളും വിഷുക്കണി വിഭവങ്ങളും ആവശ്യക്കാർക്ക് വാങ്ങാവുന്നതാണ്.
ചന്തയുടെ ഉദ്ഘാടനം ആറ്റിങ്ങൽ എം.എൽ.എ .
ഒ. എസ്. അംബിക നിർവഹിച്ചു. സി.ഡി.എസ്. ചെയർപേഴ്സൺ ജി വിലാസനയുടെ അധ്യക്ഷതയിൽ ചേർന്ന യോഗത്തിൽ വാർഡ് മെമ്പർ ദീപ പങ്കജാക്ഷൻ ആദ്യ വില്പന നടത്തി. ബ്ലോക്ക് പഞ്ചായത്ത് അംഗം കവിത, ഗ്രാമപഞ്ചായത്ത് വികസന സ്റ്റാൻഡിങ് കമ്മിറ്റി ചെയർമാൻ ഉല്ലാസ്, ഗ്രാമപഞ്ചായത്ത് അംഗങ്ങളായ എംകെ ജ്യോതി , ലതിക. പി .നായർ , പൊതുപ്രവർത്തകരായ അഡ്വ:എസ് എം റഫീഖ്, എം .കെ രാധാകൃഷ്ണൻ, ശിശുപാലൻ തുടങ്ങിയവർ സംസാരിച്ചു. യോഗത്തിന് സി.ഡി.എസ്. വൈസ് ചെയർപേഴ്സൺ സീന സ്വാഗതവും എം ഇ കൺവീനർ റീന ബൈജു നന്ദിയും പറഞ്ഞു.
