പെരുംകുളം എഎംഎൽപിഎസിലെ ബസ് ജീവനക്കാരുടെയും കുട്ടികളുടെയും സമയോചിതമായ ഇടപെടൽ കടവിള സ്വദേശിയും ഇപ്പോൾ കണ്ണൂർ താമസക്കാരനുമായ സന്ദീപിനു തുണയായി . അദ്ദേഹം ബൈക്കിൽ യാത്ര ചെയ്യവേ പോക്കറ്റിൽ നിന്നും തെറിച്ചു വീണ പേഴ്സ് ( ലൈസൻസ്, എടിഎം, പാൻ കാർഡ്, 4500 രൂപ, 20 യൂറോ കറൻസി ) ഉടമയ്ക്ക് സ്കൂളിൽ വച്ചു തിരികെ നൽകി. കുട്ടികളിൽ സത്യസന്ധതയുടെയും, അനുകമ്പയുടെയും പാഠങ്ങൾ പകർന്നു നൽകുന്നതിനു സ്കൂൾ എപ്പോഴും ശ്രദ്ധിക്കാറുണ്ട് എന്നതിന്റെ തെളിവാണ് ഈ സംഭവം. കടയ്ക്കാവൂർ സ്റ്റേറ്റ് ബാങ്ക് മാനേജരുടെ ഇടപെടലിൽ ഉടമയുടെ അഡ്രസും ഫോൺ നമ്പരും കണ്ടെത്തുകയും ഉടമയെ കൃത്യമായി അറിയിക്കുകയും ചെയ്തു. സ്കൂൾ ഹെഡ്മാസ്റ്റർ പ്രവീൺ, സ്റ്റാഫ് സെക്രട്ടറി ദിലിത്ത്, അക്ബർഷാ, ബസ് ഡ്രൈവർ ജലീൽ,
കുട്ടികളുടെ പ്രതിനിധികൾ ആയ അദ്വൈത്, അനന്യ, സ്കൂൾ സെക്യൂരിറ്റി ജീവനക്കാരൻ നാസറുദ്ദീൻ എന്നിവർ ചേർന്നാണ് പേഴ്സ് കൈമാറിയത്.
