കുഞ്ഞുമനസുകൾക്ക് എപ്പോഴും കൗതുകമാണ് മാനത്ത് ചിരിതൂകി നിൽക്കുന്ന അമ്പിളിയമ്മാവൻ. ചാന്ദ്രദിനത്തിൽ പോസ്റ്ററുകളുമായി ഗവ: എൽ പി സ്കൂളിലെ പ്രീ സ്കൂൾ കുരുന്നുകളും ദിനാചരണത്തിൽ പങ്കാളികളായി
രക്ഷിതാക്കളുടേയും അധ്യാപകരുടേയും സഹായത്തോടുകൂടിയാണ് പ്രീ സ്കൂൾ കുരുന്നുകൾ ഈ പ്രവർത്തനം പൂർത്തിയാക്കിയത്.
ചാന്ദ്രദിനവുമായി ബന്ധപ്പെട്ട് സ്കൂളിലെ ശാസ്ത്ര ക്ലബ്ബായ കുട്ടി ലൂക്കയുടെ ആഭിമുഖ്യത്തിൽ ചാന്ദ്രദിന ക്വിസ്, പോസ്റ്റർ പ്രദർശനം, ചന്ദ്രനെ കുറിച്ചുള്ള പാട്ടുകളുടെ അവതരണം, ഡോക്യുമെൻ്റെറി പ്രദർശനം
എന്നീ പ്രവർത്തനങ്ങൾ നടന്നു.പ്രഥമാധ്യാപിക ജാസ്മിൻ ചാന്ദ്രദിനത്തെ കുറിച്ച് കുട്ടികളോട് സംവദിച്ചു.
