അഴൂർ : പെരുങ്ങുഴി സി. ഒ നഗർ യുവജനകൂട്ടം ചാരിറ്റബിൾ സൊസൈറ്റി 2024 ലെ പഠനോത്സവത്തിനു തുടക്കം കുറിച്ചു. അഡ്വ.വി. ജോയ് എംഎൽഎ ഉദ്ഘാടനം നിർവഹിച്ചു. ജാക്കി കലാധരൻ അധ്യഷനായ ചടങ്ങിൽ അഴൂർ ഗ്രാമപഞ്ചായത്ത് പ്രസിഡന്റ്‌ ആർ. അനിൽ മുഖ്യ പ്രഭാഷണം നടത്തി.
മുഖ്യ അഥിതിയായി ഷാജി നടേശൻ (ഫിലിം മേക്കർ), അഴൂർ ഗ്രാമപഞ്ചായത്ത് അംഗങ്ങളായ മനോഹരൻ, സുര, ജയകുമാർ, റെജി, ലിസി എന്നിവർ ആശംസകൾ അർപ്പിച്ചു. സി. ഒ നഗർ യുവജനകൂട്ടം ചാരിറ്റി രക്ഷധികാരി സുനിൽ കുമാർ സ്വാഗതവും സി. ഒ നഗർ യുവജനകൂട്ടം ട്രഷറർ ഷിബു കൃതജ്ഞതയും പറഞ്ഞു.
എസ്എസ്എൽസി , പ്ലസ് ടു അഴൂർ വെയ്ലൂർ സ്കൂളിലെയും അഴൂർ ഗ്രാമപഞ്ചായത്തിന്റെ പരിധിയിൽ ഉന്നത വിജയം കൈവരിച്ചവർക്കും മെഡൽ, മൊമെന്റോ നൽകി ആദരിച്ചു. നിർദ്ധരായ കുട്ടികൾക്ക് പഠനോപകരണവും, ചികത്സ ധനസഹായവും നൽകി.
