കല്ലമ്പലം : ഞെക്കാട് ഗവ. ഹയർ സെക്കന്ററി സ്കൂളിൽ നിന്നും 2023-24 അധ്യയന വർഷത്തെ രണ്ടാം വർഷ ഹയർ സെക്കന്ററി / വൊക്കേഷണൽ ഹയർ സെക്കന്ററി പരീക്ഷകളിൽ ഉന്നത വിജയം നേടിയവരെ അധ്യാപക രക്ഷാകർതൃ സമിതിയുടെ നേതൃത്വത്തിൽ അനുമോദിച്ചു.
സ്കൂൾ ആഡിറ്റോറിയത്തിൽ നടന്ന അനുമോദന സമ്മേളനം ജില്ലാ പഞ്ചായത്തംഗം ഗീതാനസീർ ഉദ്ഘാടനം ചെയ്തു. അദ്ധ്യാപക രക്ഷാകർതൃ സമിതി പ്രസിഡന്റ്‌ ഒ.ലിജ അധ്യക്ഷത വഹിച്ചു.
ഹയർ സെക്കൻ്ററി പ്രിൻസിപ്പൽ ശ്രീജ.എസ്, ഒറ്റൂർ ഗ്രാമപഞ്ചായത്ത് പ്രസിഡൻ്റ് ബീന. പി, അംഗം എസ്.ഷിനി, വി.എച്ച്.എസ്.സി പ്രിൻസിപ്പൽ ഇ.താജുദ്ദീൻ, ഹൈസ്കൂൾ പ്രഥമാധ്യാപകൻ സന്തോഷ്.എൻ, സ്കൂൾ മാനേജ്മെന്റ് കമ്മിറ്റി ചെയർമാൻ അനിൽ കുമാർ. എസ്, അധ്യാപക രക്ഷാകർതൃ സമിതി വൈസ് പ്രസിഡൻ്റ് സി.വി രാജീവ്,എന്നിവർ പ്രസംഗിച്ചു.
ഹയർസെക്കന്ററി, വൊക്കേഷണൽ ഹയർ സെക്കന്ററി പരീക്ഷകളിൽ ഉന്നത വിജയം നേടിയ വിദ്യാർത്ഥി വിദ്യാർത്ഥിനികൾക്ക് തിരുവനന്തപുരം ജില്ലാ പഞ്ചായത്തംഗം ഗീതാനസീർ അധ്യാപക രക്ഷാകർതൃ സമിതിയുടെ ക്യാഷ് അവാർഡുകൾ സമ്മാനിച്ചു. അപരാജിത ആനിരാജ മോട്ടിവേഷൻ ക്ലാസിന് നേതൃത്വം നൽകി.
