മംഗലപുരം ഗ്രാമ പഞ്ചായത്ത് തല പ്രവേശനോത്സവം ഇടവിളാകം യു. പി. സ്കൂളിൽ ഗ്രാമ പഞ്ചായത്ത് പ്രസിഡൻ്റ് സുമ ഇടവിളാകം ഉദ്ഘാടനം ചെയ്തു.
സ്ഥിരം സമിതി അധ്യക്ഷ കെ.പി. ലൈല അധ്യക്ഷയായി. ക്ഷേമകാര്യ സ്റ്റാൻ്റിംഗ് കമ്മറ്റി ചെയർമാൻ സുനിൽകുമാർ, ഗ്രാമ പഞ്ചായത്തംഗങ്ങളായ എസ് കവിത, കരുണാകരൻ, പി.ടി എ പ്രസിഡൻ്റ് എ. ബിനു, എസ്. എം സി. ചെയർമാൻ ഈ.എ. സലാം, പി.ഷാജി, പ്രഥമാധ്യാപിക എൽ. ലീന അധ്യാപകരായ ഉമ തൃദീപ്, കുഞ്ഞുമോൾ സി.ആർ സി കോ-ഓർഡിനേറ്റർ റോയ് എന്നിവർ സംസാരിച്ചു.
നവാഗത കുരുന്നുകളെ സമ്മാനങ്ങൾ നൽകി സ്വീകരിച്ചു. അക്കാദമിക മാസ്റ്റർ പ്ലാൻ അവതരിപ്പിച്ചു. പോത്തൻകോട് ബ്ലോക്ക് പഞ്ചായത്ത് വിദ്യാലയത്തിനനുവദിച്ച ഫർണീച്ചറുകൾ ബ്ലോക്ക് പഞ്ചായത്തംഗം എം.എ ഷഹീൻ കൈമാറി.
