ഇത്തവണത്തെ കാട്ടാക്കട – വിളപ്പിൽ സബ് ജില്ലാതല പ്രവേശനോത്സവം ഗവ യുപിഎസ് വിളപ്പിൽശാലയിൽ വച്ച് വിളപ്പിൽ ഗ്രാമപഞ്ചായത്ത് പ്രസിഡൻ്റ് ലില്ലി മോഹൻ്റെ അധ്യക്ഷതയിൽ എംഎൽഎ ഐ. ബി സതീഷ് ഉദ്ഘാടനം നിർവ്വഹിച്ചു.
എച്ച്എം ചാർജ്ജ് പത്മകുമാരി സ്വാഗതം ആശംസിച്ചു.തിരുവനന്തപുരം ജില്ലാ പഞ്ചായത്ത് വികസന കാര്യ ചെയർമാൻ വിളപ്പിൽ രാധാകൃഷ്ണൻ ‘ ത്രിതല ജനപ്രതിനിധികൾ, എഇഒ ബീനകുമാരി, ഡയറ്റ് ശ്രീലത ,ബിപിസി ശ്രീകുമാർ , പിടിഎ ഭാരവാഹികൾ , സിആർസിസി സുമ എന്നിവരുടെ സാന്നിദ്ധ്യം ഉണ്ടായിരുന്നു.
65 കുട്ടികൾ നവാഗതരായി ഒന്നാം ക്ലാസ്സിൽ എത്തിച്ചേർന്നു. നവാഗതരായി എത്തിച്ചേർന്ന കുട്ടികൾക്ക് സ്വന്തം ഫോട്ടോയും പേരും ഉൾപ്പെട്ട ഫ്ലക്കാർഡുകൾ അക്ഷരത്തൊപ്പി എന്നിവ സമ്മാനമായി ലഭിച്ചു. അക്ഷരവിളക്ക് തെളിയിച്ചു. മധുരപലഹാരങ്ങൾ, പായസ വിതരണം എന്നിവ നൽകി. മുൻ എച്ച് .എം അജിത്ത് കുമാർ രക്ഷിതാക്കൾക്ക് ബോധവത്ക്കരണ ക്ലാസുകൾ നൽകി.പ്രവേശനോത്സവത്തിൽ പങ്കെടുത്ത എല്ലാപേർക്കും സ്റ്റാഫ് സെക്രട്ടറി ഫസീൽദാസ് നന്ദി അറിയിച്ചു
