വിദ്യാർത്ഥികളുടെ നേതൃത്വത്തിൽ വായനവാരാചരണത്തിൻ്റെ സമാപനവും അക്കാഡമിക് ക്ലബ്ബുകളുടെ ഉദ്ഘാടനവും സംഘടിപ്പിക്കപ്പെട്ടത് ശ്രദ്ധേയമാകുന്നു. കാരേറ്റ് ഡി.ബി.എച്ച്.എസിലാണ് അദ്ധ്യാപകരുടെ മേൽനോട്ടത്തിൽ സമ്മേളന നടത്തിപ്പ് വിദ്യാർത്ഥികൾ ഏറ്റെടുത്തത്. 
എട്ടാം ക്ലാസ് വിദ്യാർത്ഥിനി മൈത്രി അധ്യക്ഷയായ യോഗത്തിൽ ഏഴാം ക്ലാസ് വിദ്യാർത്ഥി അനശ്വർ രാജ് സ്വാഗതവും ആറാം ക്ലാസ് വിദ്യാർത്ഥി റിയ.ആർ.ബാബു നന്ദിയും രേഖപ്പെടുത്തി. കവിയും മജീഷ്യനുമായ സന്തോഷ് നാരായണൻ ഉദ്ഘാടനം നിർവഹിച്ചു. ഹെഡ്മിസ്ട്രസ് കവിത ആർ.എസ്., സീനിയർ അസിസ്റ്റൻ്റ് ഐ.വി. ബീന, സ്റ്റാഫ് സെക്രട്ടറി മാലതീ ദേവി എന്നിവർ ആശംസകൾ നേർന്നു.
