അപകടങ്ങൾ തുടർക്കഥയാകുന്ന മുതലപ്പൊഴിയിൽ മത്സ്യബന്ധന യാനം പുലിമുട്ടിൽ ഇടിച്ചുകയറി ലക്ഷങ്ങളുടെ നാശനഷ്ടം സംഭവിച്ചു.
ഇന്ന് രാവിലെ 9അര മണിയോടെയായിരുന്നു സംഭവം, ഇലാഹി എന്ന താങ്ങ് വള്ളത്തിന്റെ കാരിയർ വള്ളം മുതലപ്പൊഴി മൗത്തിന് സമീപം ശക്തമായ തിരയിൽപ്പെട്ട് പുലിമുട്ടിലേക്ക് ഇടിച്ചുകയറുകയായിരുന്നു. ഇടിയുടെ ആഘാതത്തിൽ വള്ളം തകരുകയും വെള്ളം കയറി ഭാഗീകമായി മുങ്ങിപോകുകയുമായിരുന്നു.
തുടർന്ന് രക്ഷപ്രവർത്തനങ്ങളിൽ ഏർപ്പെട്ട റെസ്ക്യൂ ടീം ലൈഫ് ഗാർഡ്മാരായ വിൽബൻ, ഷിബു എന്നിവർക്ക് രക്ഷപ്രവർത്തനങ്ങൾക്കിടെ പരുക്ക് പറ്റി. അപകടം പറ്റിയ വള്ളത്തെ പിന്നീട് മറ്റൊരു വള്ളത്തിൽ കെട്ടിവലിച്ച് കരയ്ക്കെത്തിച്ചു.
