പുളിമാത്ത് : പുല്ലയിൽ ഗവ എൽപിഎസ്സിൽ എസ്. എസ്. കെയിൽ നിന്ന് ലഭിച്ച ഫണ്ട് ഉപയോഗിച്ച് പൂർത്തീകരിച്ച പ്രീപ്രൈമറി ശാക്തീകരണ പദ്ധതിയായ ബാലയുടെയും മറ്റ് പദ്ധതികളുടെയും ഉദ്ഘാടനം ആറ്റിങ്ങൽ എംഎൽഎ ഒ എസ്. അംബിക നിർവ്വഹിച്ചു.
കിളിമാനൂർ ബ്ലോക്ക് പഞ്ചായത്ത് പ്രസിഡന്റ് ബി.പി.മുരളി അദ്ധ്യക്ഷത വഹിച്ചു. എച്ച്എം എ ആർ ബീന സ്വാഗതവും കിളിമാനൂർ ബിപിസി നവാസ്. കെ പദ്ധതി വിശദീകരണവും നടത്തി. ജില്ലാ പഞ്ചായത്ത് മെമ്പർ ജിജി ഗിരിക്കൃഷ്ണൻ, കിളിമാനൂർ ബ്ലോക്ക് പഞ്ചായത്ത് വൈസ് പ്രസിഡന്റ് ശ്രീജ ഉണ്ണികൃഷ്ണൻ, പുളിമാത്ത്
ഗ്രാമപഞ്ചായത്ത് ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ രഞ്ജിതം ഡി, വാർഡ് മെമ്പർ അനിൽകുമാർ, മുൻ എച്ച് എം .ശിവശങ്കരപ്പിള്ള, എസ്എംസി ചെയർമാൻ ബിജു, എംപിടിഎ പ്രസിഡന്റ് ലിൻസി യു എന്നിവർ സംസാരിച്ചു . സ്റ്റാഫ് സെക്രട്ടറി നിസ എസ് കൃതജ്ഞത രേഖപ്പെടുത്തി.
