കല്ലമ്പലം : കാർഗിൽ വിജയദിനാഘോഷത്തിന്റെ ഭാഗമായി കടമ്പാട്ടുകോണം എസ്.കെ.വി.എച്ച്.എസിലെ ജെ.ആർ.സി, സ്കൗട്ട് കേഡറ്റുകൾ കിഴക്ക് ധീര ജവാൻ ജയൻ സ്മാരക സ്മൃതി മണ്ഡപത്തിൽ പുഷ്പാർച്ചന നടത്തി.
1999 ൽ ഇന്ത്യയുടെ ഭാഗമായിരുന്ന കാശ്മീരിലെ ഒരു ഭാഗം കയ്യേറി ഇന്ത്യൻ സൈനികരെ ആക്രമിച്ച പാകിസ്ഥാൻ ഭീകരരെ വധിച്ച് കാർഗിൽ പ്രദേശം ഇന്ത്യൻ സൈന്യം പിടിച്ചെടുത്ത ദിവസമാണ് ജൂലൈ 26 കാർഗിൽ വിജയദിനമായി ആചരിക്കുന്നത്.
മുൻ സൈനികനും ശൗര്യചക്ര അവാർഡ് ജേതാവുമായ മധുസൂദനൻപിള്ള ഉദ്ഘാടനം ചെയ്തു. ധീര ജവാൻ ജയൻ മെമ്മോറിയൽ ഫൗണ്ടേഷൻ ചെയർമാൻ പാരിപ്പള്ളി വിനോദ് അധ്യക്ഷത വഹിച്ചു. സെക്രട്ടറി ജി.സുമേഷ്, ജവഹർ ഗ്രന്ഥശാല സെക്രട്ടറി വിഷ്ണു എസ്.എസ്, രജനി സുരേഷ് തോട്ടത്തിൽ, പ്രഥമാധ്യാപിക ലക്ഷ്മി.വി.എസ്, സ്കൗട്ട് മാസ്റ്റർ ഹരിശങ്കർ, ജെ.ആർ.സി കൗൺസിലർ വീണ.പി.ചന്ദ്രൻ, അധ്യാപകൻ അഖിൽ ഐ.എസ് എന്നിവർ പങ്കെടുത്തു.
