ആറ്റിങ്ങൽ കേന്ദ്രമായി പ്രവർത്തിക്കുന്ന എംപ്ലോയീസ് കൾച്ചറൽ ഓർഗനൈസേഷൻ – എക്കോയുടെ ആഭിമുഖ്യത്തിൽ സാഹിത്യ സമ്മേളനവും പുസ്തകപ്രകാശനവും സംഘടിപ്പിച്ചു. എക്കോ പ്രസിഡന്റ് കെ. അജന്തൻ നായർ അധ്യക്ഷത വഹിച്ച യോഗത്തിൽ പി. അനിൽകുമാർ എഴുതിയ പുസ്തകങ്ങളെ അവലോകനം ചെയ്തു കൊണ്ട് ആറ്റിങ്ങൽ സന്തോഷ്‌ സംസാരിച്ചു. യോഗത്തിൽ വച്ച് പി.അനിൽകുമാർ എഴുതിയ തലൈകുത്ത്, മരുഭൂമിയിലെ കപ്പൽ എന്നീ പുസ്തകങ്ങൾ എക്കോ പ്രസിഡന്റ് കെ. അജന്തൻ നായർ പ്രകാശനം ചെയ്തു. എക്കോ ജനറൽ സെക്രട്ടറി അഡ്വ. കെ. ജയപാൽ, വി. കൃഷ്ണൻകുട്ടി നായർ, പി. ജയചന്ദ്രൻ നായർ, എൻ. സാബു, കെ. വേണു എന്നിവർ സംസാരിച്ചു.
