ആറ്റിങ്ങൽ : ദേശീയ പാതയിൽ ആലംകോടിന് സമീപം പുളിമൂട് ജംഗ്ഷനിൽ വാഹനാപകടം. ഇന്ന് രാവിലെ 11 :45ഓടെയാണ് അപകടം നടന്നത്.
ആറ്റിങ്ങൽ ഭാഗത്ത്‌ നിന്ന് വന്ന കാർ വലത് വശത്തേക്ക് തിരിക്കവെ അതേ ദിശയിൽ പിറകിലൂടെ കോൺക്രീറ്റ് തട്ടടിക്കുന്ന സാധനങ്ങളുമായി വന്ന ലോറി ഇടിക്കുകയായിരുന്നു. ഇരു വാഹനങ്ങളും ഇടിച്ചത് എതിർ ദിശയിലെ ട്രാക്കിൽ വെച്ചാണ്. അപകടത്തിൽ വാഹനങ്ങൾക്ക് കേടുപാടുകൾ സംഭവിച്ചു. ആളപായമില്ല. ആറ്റിങ്ങൽ പോലീസ് തുടർ നടപടികൾ സ്വീകരിച്ചു.
