ശക്തമായ കാറ്റിലും മഴയിലും നഗരൂർ ബ്ലോക്ക് പഞ്ചായത്ത് ഓഫീസിലെ മാഞ്ചിയം കടപുഴകി വീണു.

നഗരൂർ : വൈകുന്നേരം ഉണ്ടായ ശക്തമായ കാറ്റിലും മഴയിലും നഗരൂർ ബ്ലോക്ക് പഞ്ചായത്ത് ഓഫീസിലെ മാഞ്ചിയം കടപുഴകി വീണു. നിർമ്മാണത്തിലിരുന്ന മതിൽ പൂർണ്ണമായും തകർന്നു. ഈ മരം അപകടാവസ്ഥയിൽ ആണെന്ന് കാട്ടി മുറിച്ചുമാറ്റുന്നതിനായി ബ്ലോക്ക് പഞ്ചായത്ത് അപേക്ഷ നൽകിയിരുന്നു.
ശക്തമായ കാറ്റും മഴയും വന്നതോടെ മതിൽ നിർമ്മാണ പ്രവർത്തനത്തിൽ ഏർപ്പെട്ടിരുന്ന തൊഴിലാളികൾ അവിടെ നിന്നും മാറിയിരുന്നു. അതിനാൽ വലിയ ദുരന്തമാണ് ഒഴിവായത്. ഫയർഫോഴ്സ് എത്തി മരം മുറിച്ചു നീക്കി.