അമിതവേഗതയിലെത്തിയ കാർ റോഡരികിൽ നിർത്തിയിട്ടിരുന്ന ഓട്ടോറിക്ഷയിൽ ഇടിച്ച് ഓട്ടോ ഡ്രൈവർ മരിച്ചു. പൂവച്ചൽ ഉണ്ടപ്പാറ തെക്കുംകര ബിസ്മി മൻസിലിൽ റഫീഖാണ് (55) മരിച്ചത്.
പൂവച്ചൽ ഇന്ത്യൻ ഓവർസീസ് ബാങ്കിന് സമീപം വെള്ളിയാഴ്ച വൈകീട്ട് 3.30- ഓടെയായിരുന്നു അപകടം. നെടുമങ്ങാട് ഭാഗത്തുനിന്നും തെറ്റായ ദിശയിലൂടെ ഓടിച്ചുവന്ന കാറാണ് ഓട്ടോയിലിടിച്ചത്.
അപകടത്തിന് ശേഷം ഓടി രക്ഷപ്പെടാൻ ശ്രമിച്ച കാർ യാത്രികരായ രണ്ട് പേരെ നാട്ടുകാർ പിടികൂടി കാട്ടാക്കട പൊലീസിന് കൈമാറി. ഇരുവരും മദ്യപിച്ചിരുന്നതായി പൊലീസ് പറഞ്ഞു. കാറിൽ നിന്നും മദ്യക്കുപ്പികളും കണ്ടെടുത്തതായി റിപ്പോർട്ട്‌.
