ആറ്റിങ്ങൽ : ദേശീയപാതയിൽ ആലംകോട് ജംഗഷന് സമീപം സ്വകാര്യ ബസ്സും സ്കൂട്ടറും കൂട്ടിയിടിച്ച് അപകടം, യുവാവിന് പരിക്ക്. ആറ്റിങ്ങൽ സ്വദേശി അതുൽ നിവാസിൽ അതുൽ(20)നാണ് പരിക്കേറ്റത്. ഇന്ന് രാവിലെ പത്തര മണിയോടെയാണ് അപകടം.
കിളിമാനൂർ നിന്നും ആറ്റിങ്ങലിലേക്ക് പോയ ചിത്തിര ബസ് പുളിമൂട് ജംഗ്ഷനിൽ വെച്ച് അമിത വേഗതയിൽ ഓവർടേക് ചെയ്തു കേറവേ എതിർ ദിശയിൽ അതുൽ സഞ്ചരിച്ചു വന്ന സ്കൂട്ടറിലേക്ക് ഇടിക്കുകയായിരുന്നുവെന്ന് ദൃക്സാക്ഷികൾ പറയുന്നു. അപകടത്തിൽ അതുലിനു ഗുരുതരമായി പരിക്കേറ്റു. സ്കൂട്ടർ പൂർണമായും തകർന്ന അവസ്ഥയിലാണ്. പരിക്കേറ്റ അതുലിനെ തിരുവനന്തപുരത്തെ സ്വകാര്യ ആശുപത്രിയിൽ പ്രവേശിപ്പിച്ചു. ആറ്റിങ്ങൽ പോലീസ് തുടർ നടപടികൾ സ്വീകരിച്ചു വരുന്നു. സ്വകാര്യ ബസ്സുകളുടെ അമിത വേഗത നിയന്ത്രിക്കണമെന്ന് നാട്ടുകാർ ആവശ്യപ്പെടുന്നു. ആർടിഒ എൻഫോഴ്‌സ്മെന്റ് പരിശോധനകൾ നടത്തണമെന്നും ആവശ്യം ഉയരുന്നു.
