പള്ളിക്കൽ കാട്ടുപുതുശ്ശേരിയിൽ യുവാവ് കുത്തേറ്റ് മരിച്ചു

പള്ളിക്കൽ: പള്ളിക്കൽ കാട്ടുപുതുശ്ശേരിയിൽ യുവാവ് കുത്തേറ്റ് മരിച്ചു. ഓയൂർ സ്വദേശി ഷിഹാബുദ്ദീൻ (43) ആണ് മരിച്ചത്. പള്ളിക്കൽ കൊട്ടിയംമുക്കിലുള്ള മുസ്ലീം പള്ളിയിലെ ജീവനക്കാരനാണ് മരിച്ച ഷിഹാബുദ്ദീൻ. കാട്ടുപുതുശ്ശേരിയിലെ ഇടറോഡിൽ രാത്രി 7 മണിയോടെ കുത്തേറ്റ് കിടക്കുന്ന നിലയിലാണ് കണ്ടത്. ഉടനെ നാട്ടുകാർ പാരിപ്പള്ളി മെഡിക്കൽ കോളജിൽ‌ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. സംഭവത്തിൽ പള്ളിക്കൽ പോലീസ് അന്വേഷണം ആരംഭിച്ചു.