ആറ്റിങ്ങൽ മൂന്നുമുക്കിൽ ബൈക്ക് കാറിലിടിച്ച് അപകടം

ദേശീയപാതയിൽ ആറ്റിങ്ങൽ മൂന്നുമുക്കിൽ ബൈക്ക് കാറിലിടിച്ച് അപകടം.
ആറ്റിങ്ങൽ ഭാഗത്തേക്ക് വന്ന കാർ  മൂന്നുമുക്കിലെ വസ്ത്ര സ്ഥാപനത്തിലേക്ക് തിരിയുന്നതിനിടെ തിരുവനന്തപുരം ഭാഗത്തേക്ക് പോയ രണ്ട് യുവാക്കൾ സഞ്ചരിച്ച പൾസർ ബൈക്ക് കാറിൽ വന്നിടിക്കുകയായിരുന്നു. ഇടിയുടെ ആഘാതത്തിൽ തെറിച്ചുവീണ ബൈക്ക് യാത്രികരിൽ ഒരാൾക്ക് ഗുരുതര പരിക്കേറ്റു. ഇവരെ തിരുവനന്തപുര മെഡിക്കൽ കോളേജിലേക്ക് മാറ്റി.
ചിറയിൻകീഴ് മുടപുരം സ്വദേശികളായ നെബിൻ, സൂരജ് എന്നിവർക്കാണ് പരിക്കേറ്റത്.