ആറ്റിങ്ങൽ: വിദ്യാർത്ഥികളിൽ ശാസ്ത്രബോധം പരിപോഷിപ്പിക്കുന്നതിനായി സംഘടിപ്പിച്ചിട്ടുള്ള ആറ്റിങ്ങൽ ഉപജില്ലാ ശാസ്ത്രോത്സവത്തിന് നാളെ തുടക്കം കുറിക്കും. ശാസ്ത്രോത്സവത്തിന്റെ ഭാഗമായി ശാസ്ത്രമേള, ഗണിതശാസ്ത്രമേള , മാനവിക ശാസ്ത്രമേള , പ്രവർത്തിപരിചയമേള ,ഐടി മേള എന്നിവ ഉണ്ടായിരിക്കും.
ആറ്റിങ്ങൽ ഗവൺമെൻ്റ് ഗേൾസ് ഹയർസെക്കൻഡറി സ്കൂൾ , ഡയറ്റ് ആറ്റിങ്ങൽ എന്നിവിടങ്ങളിലായി മേളകൾ സംഘടിപ്പിക്കുന്നത്. രണ്ട് ദിവസങ്ങളിലായി നടക്കുന്ന ശാസ്ത്രോത്സവം ആറ്റിങ്ങൽ എം പി അടൂർ പ്രകാശ് ഉദ്ഘാടനം ചെയ്യും. യോഗത്തിൽ ആറ്റിങ്ങൽ നഗരസഭ ചെയർപേഴ്സൺ എസ് .കുമാരി അധ്യക്ഷത വഹിക്കും, യോഗത്തിൽ മുനിസിപ്പൽ ചെയർപേഴ്സൺമാരായ ഗിരിജ , ഷീജ എസ്, രമ്യ സുധീർ , എസ് എം സി ചെയർമാൻ ഡോ: രതീഷ് നിരാല ആറ്റിങ്ങൽ ഉപജില്ലാ ഓഫീസർ പി. സജി പ്രിൻസിപ്പാൽ ഉദയ കുമാരി, എച്ച് എം ഗീത.കെ ,പി ടി എ പ്രസിഡൻ്റ് സന്തോഷ് എന്നിവർ പങ്കെടുക്കും.
09/10/24 ബുധൻ –
പ്രവർത്തി പരിചയമേള,
ഗണിതശാസ്ത്ര മേള & ഐ ടി മേള
10/10/24 വ്യാഴം
ശാസ്ത്ര മേള ,
സാമൂഹ്യ ശാസ്ത്ര മേള – ഐടി മേള
സമാപന സമ്മേളനത്തിൽ ആറ്റിങ്ങൽ എം എൽ എ ഒ .എസ്.അംബിക പങ്കെടുക്കും. ആറ്റിങ്ങൽ വിദ്യാഭ്യാസ ഉപ ജില്ലയിലെ വിവിധ സ്കൂളുകളിൽ നിന്നായി നിരവധി വിദ്യാർത്ഥികൾ മേളയിൽ മാറ്റുരയ്ക്കും.
