ആറ്റിങ്ങൽ : ആറ്റിങ്ങൽ ഠൗണിലെ ബേക്കറിയിലെ മോഷണം നടത്തിയ പ്രതി അറസ്റ്റിൽ. കടയ്ക്കാവൂർ പെരുങ്കുളം ഏലാപ്പുറം ചരുവിള വീട്ടിൽ സുഭാഷ്( 34 )നെയാണ് ആറ്റിങ്ങൽ പോലീസ് അറസ്റ്റ് ചെയ്തത്.
ആറ്റിങ്ങൽ മുൻസിപ്പൽ ഓഫീസിന് എതിർ വശമുള്ള ബേക്കറിയിൽ നിന്നും ഇക്കഴിഞ്ഞ ഒക്ടോബർ പത്തിന് രാത്രി പത്തര മണിയോടെ കടയുടമ കട പൂട്ടാനുള്ള തിരക്കിൽ കടയിലെ വേസ്റ്റ് കളയാൻ പുറത്തിറങ്ങിയ സമയമാണ് പ്രതി മേശയ്ക്കകത്ത് സൂക്ഷിച്ചിരുന്ന 28500/- രൂപ മോഷണം ചെയ്തെടുത്തത്.
സംഭവത്തിന്‌ ശേഷം ഒളിവിൽ പോയ പ്രതിയെ ആറ്റിങ്ങൽ എസ്എച്ച്ഒ ഗോപകുമാർ.ജി, എസ്ഐമാരായ സജിത്ത്, ജിഷ്ണു, ബിജു ഹക്ക് , എഎസ്ഐമാരായ രാധാകൃഷ്ണൻ, എസ്.സി.പി.ഒമാരായ പ്രകാശ്, നിധിൻ, ശരത് കുമാർ എന്നിവരടങ്ങിയ സംഘം അറസ്റ്റ് ചെയ്തു. ആറ്റിങ്ങൽ, കടയ്ക്കാവൂർ പോലീസ് സ്റ്റേഷനുകളിലായി എട്ടോളം കേസുകളുള്ള ആളാണ് അറസ്റ്റിലായ സുഭാഷ്.
