മംഗലപുരം: ഇടവിളാകം യു. പി. സ്കൂളിൽ വിദ്യാർത്ഥികളിലൂടെ നടത്തിയ പരിസ്ഥിതി സംരക്ഷണ പ്രവർത്തനങ്ങൾക്ക് ടാറ്റാ കൺസൾട്ടൻസി സർവ്വീസസ് കമ്മ്യൂണിറ്റി എൺവിേയോൺമെൻ്റൽറസ്പോൺസിബിലിറ്റി ഫണ്ടിൽ ഉൾപ്പെടുത്തി അനുവദിച്ച ബഹുനില മന്ദിരത്തിൻ്റെ ശിലാസ്ഥാപന കർമ്മം വി.ശശി എം.എൽ.എ നിർവ്വഹിച്ചു.
ഗ്രാമ പഞ്ചായത്ത് പ്രസിഡൻ്റ് സുമ ഇടവിളാകം അധ്യക്ഷയായി ടി.സി.എസ് ഐ.പി.ഡി. മാനേജർ എൻ.ബി ശിവദാസൻ ഗ്രാമപഞ്ചായത്ത് വൈസ് പ്രസിഡൻ്റ് മുരളീധരൻ, സ്ഥിരം സമിതി അധ്യക്ഷ കെപി ലൈല, ബ്ലോക്ക് പഞ്ചായത്തംഗം എം. എ ഷഹീൻ , ബി.പി സി ഡോ. ഉണ്ണികൃഷ്ണൻ പാറക്കൽ, എസ്.എം.സി ചെയർമാൻ ഈ.എസ് .സലാം , പള്ളിപ്പുറം ജയകുമാർ യു ശാലിനി, രാജീവൻ, പി. ഷാജി, ഒ എസ് ലേഖ, പി. ടി. എ പ്രസിഡൻ്റ് ബിനു മംഗലപുരം തുടങ്ങിയവർ പങ്കെടുത്തു. അൻപതി ഏഴ് ലക്ഷം രൂപ ചെലവിൽ രണ്ട് ക്ലാസ്സ്റൂം ഡൈനിംഗ് ഹാൾ, ആധുനിക സൗകര്യങ്ങളോടെയുള്ള അടുക്കള എന്നിവ നിർമിക്കും
