വെഞ്ഞാറമൂട് വലിയ കട്ടയ്ക്കാൽ ജംഗ്ഷനിൽ മരം കടപുഴകി റോഡിൽ വീണു, യാത്രക്കാരന് പരിക്ക്

ശക്തമായ മഴയിൽ ആറ്റിങ്ങൽ വെഞ്ഞാറമൂട് റോഡിൽ നെല്ലനാട് പഞ്ചായത്തിലെ വലിയ കട്ടയ്ക്കാൽ ജംഗ്ഷനിൽ നിന്ന വാകമരം കടപുഴകി റോഡിൽ വീണു. ഇലക്ട്രിക് ലൈനിലും സമീപത്തെ കടയുടെ മുകളിലേക്കും ആണ് മരം വീണത്. അതുവഴി കടന്നുപോയ ഇരുചക്രവാഹന യാത്രികന് പരിക്കേറ്റു.
ഫയർഫോഴ്സ് എത്തി മരം മുറിച്ചുമാറ്റി ഗതാഗതം പുനസ്ഥാപിച്ചു. പരിക്കുപറ്റിയ യാത്രക്കാരനെ മറ്റൊരു വാഹനത്തിൽ ആശുപത്രിയിൽ എത്തിച്ചു.