ആറ്റിങ്ങൽ : യുവതിയെ വീടുകയറി ആക്രമിച്ച കേസിൽ പ്രതി അറസ്റ്റിൽ. ഇടയ്ക്കോട് ഇളമ്പ ചരുവിള വീട്ടിൽ സോണി തോമസ്(35)നെയാണ് ആറ്റിങ്ങൽ പോലീസ് അറസ്റ്റ് ചെയ്തത്.
ഇക്കഴിഞ്ഞ ഒക്ടോബർ 23ന് ഉച്ചയ്ക്ക് രണ്ടര മണിയോടെ അയൽവാസിയായ യുവതി അപവാദം പറഞ്ഞു എന്ന തെറ്റിദ്ധാരണയിൽ ഉള്ള വിരോധത്തിൽ സോണി തോമസ് യുവതിയെ വീടിനുള്ളിൽ അതിക്രമിച്ചു കയറി തടഞ്ഞുനിർത്തി അസഭ്യം പറയുകയും ഭീഷണിപ്പെടുത്തുകയും ലൈംഗിക ചുവയോടെ സംസാരിക്കുകയും വലതു കൈയിൽ പിടിച്ചു ഞെരിച്ച് ആക്രമിക്കുകയും ചെയ്തു.
