വർക്കലയിൽ ഷോർട്ട് സർക്കൂട്ട് മൂലം ബസിൽ നിന്ന് പുക ഉയർന്നു. ഡ്രൈവറുടെ സമയോചിതമായ ഇടപെടൽ മൂലം വലിയൊരു അപകടം ഒഴിവായി.
വർക്കല കല്ലമ്പലം ആറ്റിങ്ങൽ റൂട്ടിൽ ഓടുന്ന പൊന്നൂസ് ബസ്സ്‌ മൈതാനം ജംഗ്ഷനിൽ എത്തിയപ്പോഴാണ് സംഭവം. ബസിന്റെ ബൊണറ്റിൽ നിന്നും പുക ഉയർന്നത്. 20 ലധികം യാത്രക്കാർ ബസ്സിൽ ഉണ്ടായിരുന്നു. യാത്രക്കാരെ ഡ്രൈവറും കണ്ടക്ടറും പുറത്തേക്ക് മാറ്റി. തുടർന്ന് ഡ്രൈവർ ഓടി സമീപത്തെ പെട്രോൾ പമ്പിൽ നിന്നും എസ്റ്റിംൻഗുഷർ ഉപയോഗിച്ച് പുക തടയാൻ ശ്രമിച്ചു. വർക്കല ഫയർ ഫ്രോഴ്സ് സ്ഥലത്തെത്തി തുടർ നടപടി സ്വീകരിച്ചു.
