നഗരൂർ പഞ്ചായത്ത് മാലിന്യമുക്ത നവകേരളം ജനകീയ ക്യാമ്പയിന്റെ ഭാഗമായി നടത്തിയ പഞ്ചായത്ത് തല ക്വിസ് മത്സരത്തിൽ നഗരൂർ ശ്രീശങ്കര വിദ്യാപീഠം ഇംഗ്ലീഷ് മീഡിയം സ്കൂളിലെ വിദ്യാർത്ഥികൾ അഭിമാനകരമായ വിജയം കൈവരിച്ചു.
എൽ.പി. വിഭാഗ ത്തിൽ ഒന്നാം സ്ഥാനം നാലാം ക്ലാസിലെ ഹംദ, യു.പി. വിഭാഗത്തിൽ ഒന്നാം സ്ഥാനം അഞ്ചാം ക്ലാസിലെ ആര്‍ണവ് ബിജോയ്, രണ്ടാം സ്ഥാനം ദേവ ഗംഗ, ലക്ഷ്മി ഉദയ് എന്നിവരും ഹൈസ്കൂൾ വിഭാഗത്തിൽ ശ്രാവൺ മാധവ് ഒന്നാം സ്ഥാനവും ദേവഗിരി രണ്ടാം സ്ഥാനവും കരസ്ഥമാക്കി. നഗരൂർ പഞ്ചായത്തിലെ ഒമ്പതോളം സ്കൂളുകളിലെ വിദ്യാർത്ഥികൾ ക്വിസ് മത്സരത്തിൽ പങ്കെടുത്തു.
നഗരൂർ ഗ്രാമപഞ്ചായത്ത് പ്രസിഡൻ്റ് ഡി.സ്മിത സമ്മാനങ്ങൾ വിതരണം ചെയ്തു. ഗ്രാമപഞ്ചായത്ത് അംഗങ്ങളായ സുരേഷ് കുമാർ, അനി, ദിലീപ്, ശ്രീലത, വിജയലക്ഷ്മി, അർച്ചന, ഉഷ എന്നിവരും പ്രിൻസിപ്പൽ മായാ ദേവി ടീച്ചർ, സ്റ്റാഫ് സെക്രട്ടറി പ്രഭ ടീച്ചർ തുടങ്ങിയവർ പങ്കെടുത്തു.
