ആറ്റിങ്ങൽ : സ്കൂട്ടറിൽ മദ്യ വില്പന നടത്തിയയാളെ ആറ്റിങ്ങൽ എക്സൈസ് സംഘം പിടികൂടി.ചരുവിള പുത്തൻ വീട്ടിൽ ശശിധരനെ(48)യാണ് 15 കുപ്പി വിദേശ മദ്യവുമായി അറസ്റ്റ് ചെയ്തത്.
ആറ്റിങ്ങൽ എക്സൈസ് സർക്കിൾ ഇൻസ്പെക്ടർ ഷൈബു പിഇ യക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് ചെമ്പരത്തി മുക്ക് ഊന്നൻ കല്ല് ദേശത്ത് വച്ച് സ്കൂട്ടറിൽ മദ്യ വില്പന നടത്തുകയായിരുന്ന പ്രതിയെ പിടികൂടിയത്. പ്രതിയെയും തൊണ്ടിമുതലുകളും സ്കൂട്ടറും കോടതിയിൽ ഹാജരാക്കി പ്രതിയെ റിമാൻഡ് ചെയ്തു . അന്വേഷണത്തിൽ സിഐ കൂടാതെ അസിസ്റ്റന്റ് എക്സൈസ് ഇൻസ്പെക്ടർ അശോക് കുമാർ സിവിൽ എക്സൈസ് ഓഫീസർമാരായ ഷജീർ സജിത്ത് എന്നിവർ പങ്കെടുത്തു.
