ആറ്റിങ്ങലിൽ എത്തിയ മുള്ളൻ പന്നിയെ കൂട്ടിലാക്കി 

ആറ്റിങ്ങൽ :  ആറ്റിങ്ങലിൽ വീട്ടുവളപ്പിൽ മുള്ളൻ പന്നിയെത്തി. ആറ്റിങ്ങൽ കരിച്ചയിൽ ഗോകുലത്തിൽ അജിത് കുമാറിൻ്റെ വീട്ടുവളപ്പിലാണ് ഇന്നലെ രാത്രി മുള്ളൻ പന്നി എത്തിയത്. വിവരമറിഞ്ഞ് ആർആർടി പാലോട് ഉദ്യോഗസ്ഥർ സ്ഥലത്തെത്തുകയും മുള്ളൻ പന്നിയെ പിടികൂടുകയും ചെയ്തു. മണിക്കൂറോളം നീണ്ടു നിന്ന പ്രയത്നത്തിനൊടുവിലാണ് മുള്ളൻ പന്നി കൂട്ടിലായത്. ഫോറസ്റ്റ് അധികൃത‍ർ മുള്ളൻ പന്നിയെ അവിടെനിന്നും മാറ്റി.