ആലംകോട് : ആലംകോട്ട് വീടിനു നേരെ പെട്രോൾ പന്തമെറിഞ്ഞ് ആക്രമണം. ആലംകോട് സ്കൂളിന് സമീപം ദാറുസ്സലാം വീട്ടിൽ സഫറുദ്ദീന്റെ വീടിനു നേരെയാണ് ആക്രമണം ഉണ്ടായത്.
കഴിഞ്ഞദിവസം രാത്രി 11:45 ആയിരുന്നു സംഭവം. ഉഗ്ര ശബ്ദം കേട്ട് വീടിന് പുറത്തെത്തിയ സഫറുദീൻ കാണുന്നത് കാർപോർച്ചിൽ ഉണ്ടായിരുന്ന വാഹനം കത്തുന്നതാണ്. വീടിന്റെ മുൻവശവും തീ പടർന്ന നിലയിലായിരുന്നു. കാറിലെ തീ കെടുത്താൻ ശ്രമിക്കുമ്പോൾ സഫറുദ്ദീന്റെ കാലിന് പൊള്ളലേറ്റു. പെട്രോൾ പോലുള്ള ദ്രാവകം ഉപയോഗിച്ചാണ് കാർ കത്തിച്ചത്.കഴിഞ്ഞ ജൂൺ മാസത്തിലും വീടിന് നേരെ ആക്രമണം ഉണ്ടായതായും നിരവധി പരാതികൾ പോലീസിൽ നൽകിയിട്ടുണ്ടെന്നും പറയുന്നു. നഗരൂർ പോലീസ് സ്ഥലത്തെത്തി അന്വേഷണം ആരംഭിച്ചു.
