കിളിമാനൂർ: കാട്ടുപന്നി ബൈക്കിൽ വന്നിടിച്ച് ബൈക്ക് യാത്രക്കാർക്ക് പരിക്കേറ്റു. വാലഞ്ചേരി സ്വദേശിയും അഗ്നിരക്ഷാസേന ഉദ്യോഗസ്ഥനുമായ വിപിൻ (34), സുഹൃത്ത് ബിജിത്ത് (28) എന്നിവർക്കാണ് പരിക്കേറ്റത്.
കിളിമാനൂർ – ആലംകോട് റോഡിൽ ചെങ്കിക്കുന്ന് എൽ.പി. സ്കൂളിന് സമീപമായിരുന്നു അപകടം. ക്ഷേത്രത്തിലേക്ക് ഉത്സവം കാണാൻ പോകുന്നതിനിടെയാണ് അപകടമുണ്ടായത്. ഇരുവർക്കും സാരമായി പരിക്കേറ്റിട്ടുണ്ട്. വിപിൻ സ്വകാര്യ മെഡിക്കൽ കോളേജിലും, ബിജിത്ത് പാരിപ്പള്ളി ഗവ. മെഡിക്കൽ കോളേജിലും ചികിത്സയിലാണ്.
Featured Image only for representation purpose
