കല്ലമ്പലം : സംസ്ഥാന പാലിയേറ്റീവ് ദിനത്തിൽ ‘സംതൃപ്ത്വ പരിചരണം എല്ലാവരുടെയും അവകാശം’ എന്ന ആശയത്തെ ആസ്പദമാക്കി കടുവയിൽ ‘സൗഹൃദ’ പാലിയേറ്റീവ് കെയർ യൂണിറ്റ് നടത്തിയ ചർച്ചായോഗത്തിൽ ഡോക്ടർ എം. ജെ. അസ്ഹറുദീൻ നേതൃത്വം വഹിച്ചു.
പാലിയേറ്റീവ് സന്നദ്ധ പ്രവർത്തകർ പ്രദേശത്തെ 15 കുടപ്പുരോഗികളുടെ വീടുകൾ സന്ദർശിച്ചു രോഗികൾക്ക് വസ്ത്രം, ശുചീകരണ സാമഗ്രികൾ, പഴവർഗ കിറ്റുകൾ എന്നിവ അടങ്ങിയ സമ്മാനം വിതരണം ചെയ്തു. സൗഹൃദ പാലിയേറ്റീവ് കെയർ യൂണിറ്റ് മൂന്നു വർഷം പിന്നിടുന്ന ഈ സാഹചര്യത്തിൽ അവരുടെ മേഖലയിൽ 350 ഹോം കെയർ വിസിറ്റുകൾ പൂർത്തിയാക്കിയതായി പാലിയേറ്റീവ് സെക്രട്ടറി ഖാലിദ് പനവിള അറിയിച്ചു.
ഓക്സിജൻ കോൺസെൻട്രേറ്റർ, ബൈപാപ് മെഷീൻ, സക്ഷൻ അപാരറ്റസ്, എയർ ബെഡ്, വീൽ ചെയർ, ബെഡ്, നെബുലൈസർ എന്നീ ഉപകരണങ്ങളും അവശ്യം മരുന്നുകളും പ്രദേശത്തെ അർഹരായ രോഗികൾക്ക് തികച്ചും സൗജന്യമായി നൽകിവരുന്നു.
ചടങ്ങിൽ സൗഹൃദ റെസിഡന്റ്‌സ് അസോസിയേഷൻ പ്രസിഡന്റ്‌ പി. എൻ. ശശിധരൻ, വൈസ് പ്രസിഡന്റ്‌ അറഫ റാഫി, എക്സിക്യൂട്ടീവ് അംഗങ്ങളായ മുഹമ്മദ്‌ റഫീഖ് മൗലവി, സതികുമാർ എന്നിവർ സംസാരിച്ചു. തുടർന്ന് നാഷണൽ ഹെൽത്തു മിഷന്റെ ആഭിമുഖ്യത്തിൽ തിരുവനന്തപുരം ജില്ലാ പാലിയേറ്റീവ് കെയർ സൊസൈറ്റി നടത്തിയ പരിശീലനത്തിൽ 5 സന്നദ്ധ പ്രവർത്തകർ പങ്കെടുക്കുകയും ചെയ്തു.
