കടയ്ക്കാവൂരിൽ പത്തോളം പേരെ തെരുവുനായ ആക്രമിച്ചു. കടയ്ക്കാവൂർ ചെക്കാലവിളാകത്തും സമീപ മേഖലയിലുമായാണ് തെരുവുനായ ആക്രമണം ഉണ്ടായത്. നായ പോയ വഴിയിൽ കണ്ടവരെയെല്ലാം ആക്രമിച്ചതായാണ് വിവരം.
സംഭവത്തിൽ പത്തോളം പേർക്കാണ് പരിക്ക് പറ്റിയിട്ടുള്ളത്. ഇവരിൽ ഒരാൾ അഞ്ചുതെങ്ങ് സ്വദേശിയാണ്. ഇന്ന് വൈകിട്ട് 4:30 ഓടെയായിരുന്നു സംഭവം. പരിക്കേറ്റവർ ആശുപത്രികളിൽ ചികിത്സതേടി. ഇവരിൽ മൂന്നു പേർക്ക് ഗുരുതരമാണെന്നാണ് സൂചന. മൂന്നുപേരെ മെഡിക്കൽ കോളേജിലേക്ക് മാറ്റി.
