ശ്രീ ശങ്കരവിദ്യാപീഠം ഇംഗ്ലീഷ് മീഡിയം സ്കൂളിൽ സ്കൗട്ട് യൂണിറ്റിന്റെ നേതൃത്വത്തിൽ മൂന്ന് ദിവസത്തെ യൂണിറ്റ് ക്യാമ്പ് സംഘടിപ്പിച്ചു. സ്കൂൾ പ്രിൻസിപ്പലിന്റെ അധ്യക്ഷതയിൽ കേശവൻ പോറ്റി സാർ ഉദ്ഘാടനം ചെയ്യുകയും പിടിഎ പ്രസിഡൻറ് സുജിത് എസ് എസ് സ്വാഗതം പറയുകയും ചെയ്തു. ആശംസകൾ അർപ്പിച്ചുകൊണ്ട് വാർഡ് മെമ്പർ നിസാമുദ്ദീൻ നാലപ്പാട്ട് ,സ്റ്റാഫ് സെക്രട്ടറി പ്രഭാ കുമാരി, ഗൈഡ് ക്യാപ്റ്റൻ കൃഷ്ണപ്രിയ എന്നിവർ . സ്കൗട്ട് മാസ്റ്റർ ആശാ സലിം കുമാർ നന്ദി രേഖപ്പെടുത്തി.
ഫ്ലാഗ് സെറിമണിയോടുകൂടി ക്യാമ്പിന് തുടക്കം കുറിച്ചു. ട്രൂപ്പ്ലീഡർ മാസ്റ്റർ കാർത്തികൃഷ്ണ പതാക ബ്രേക്ക് ചെയ്തതോടുകൂടി പരിപാടികൾക്ക് തുടക്കം കുറിച്ചു. കുട്ടികളുടെ പാചക മികവ് തെളിയിക്കുന്ന പാചക മത്സരം, വിവിധ കെട്ടുകൾ, ഓർമ്മശക്തി എന്നിവ പരീക്ഷിക്കുന്ന മത്സരങ്ങൾ നടത്തുകയുണ്ടായി. അധ്യാപികമാരുടെ കൂട്ടായ പ്രവർത്തനത്തിലൂടെ ക്യാമ്പിൽ ഭക്ഷണം പാചകം ചെയ്തു .കുട്ടികൾക്ക് വളരെ രുചികരമായ ഭക്ഷണം നൽകാൻ സാധിച്ചു. പിടിഎ അംഗങ്ങളുടെ സാന്നിധ്യം തുടക്കം മുതലേ ഉണ്ടായിരുന്നു. ഏതു പ്രതിസന്ധികളും തരണം ചെയ്യാൻ കുട്ടികളെ പ്രാപ്തരാക്കാൻ ഈ ക്യാമ്പിലൂടെ സാധിച്ചു.24-01-2025 നാലുമണിക്ക് ആരംഭിച്ച ക്യാമ്പ് 26-01-2025 റിപ്പബ്ലിക് ഡേ പരിപാടികളോടുകൂടി അവസാനിച്ചു. സോപ്പ് നിർമ്മാണത്തിന് പരിശീലനം നൽകുന്നതിനായി രജിതയുടെ സാന്നിധ്യം വേറിട്ട് നിന്നും. കുട്ടികൾ വളരെ ഉത്സാഹത്തോടെ കൂടിയായിരുന്നു സോപ്പ് നിർമ്മാണ ക്ലാസ്സിൽ പങ്കെടുത്തത്.സ്കൂൾ പ്രിൻസിപ്പൽ മായാദേവി സ്കൗട്ട് മാസ്റ്റർ ആശ സലിംകുമാ റിനെ പൊന്നാട അണിയിച്ച് ആദരിച്ചു.11മണിയോടുകൂടി യൂണിറ്റ് ക്യാമ്പ് അവസാനിച്ചു.
