മേൽകടയ്ക്കാവൂർ 2133 നമ്പർ എൻഎസ്എസ് കരയോഗം വാർഷിക പൊതുയോഗവും പ്രതിഭാ സംഗമവും നടന്നു. കരയോഗം പ്രസിഡന്റ് ഡോ വിജയകുമാരൻ നായരുടെ അദ്ധ്യക്ഷതയിൽ നടന്ന യോഗം ചിറയിൻകീഴ് താലൂക്ക് കരയോഗ യൂണിയൻ വനിതാ സമാജം പ്രസിഡന്റ് കുമാരി ലത ഉദ്ഘാടനം ചെയ്തു.
ചിറയിൻകീഴ് താലൂക്ക് കരയോഗ യൂണിയൻ ഇൻസ്‌പെക്ടർ ചന്ദ്രശേഖരൻ നായർ കരയോഗ പ്രവർത്തനങ്ങളെക്കുറിച്ച് സംസാരിച്ചു. കരയോഗം ഭരണ സമിതി അംഗം ബേബി മോഹൻ സ്വാഗതവും, സെക്രട്ടറി ശശിധരൻ നായർ മുൻ വർഷ വരവ് ചിലവ് കണക്കുകളും റിപ്പോർട്ടും അവതരിപ്പിച്ചു.
ചടങ്ങിൽ ഇക്കഴിഞ്ഞ എസ്എസ്എൽസി പരീക്ഷയിൽ എല്ലാ വിഷയങ്ങളിലും എ പ്ലസ് വാങ്ങി വിജയിച്ച ആത്മന എസ്. കുമാർ, പാർവതി. വി. എന്നീ കുട്ടികൾക്കും, ഹയർ സെക്കന്ററി വിഭാഗത്തിൽ എല്ലാ വിഷയങ്ങളിലും എപ്ലസ് വാങ്ങിയ അജു. എം. എസ് എന്നിവർക്കും മെമെന്റോ നൽകി ആദരിച്ചു. അശോകൻ സ്വയംവര, കെ. പി. രാജശേഖരൻ നായർ എന്നിവർ ആശംസകൾ അർപ്പിച്ചു. കരയോഗം ഭരണ സമിതി അംഗം കെ. എൻ. ഇന്ദിര നന്ദി രേഖപ്പെടുത്തി.
