മംഗലപുരത്ത് തീപ്പെട്ടി ചോദിച്ചിട്ട് കൊടുക്കാത്തതിന് മൂന്നംഗ സംഘം വീടുകയറി ഗൃഹനാഥനെ ആക്രമിച്ചു

മംഗലപുരം : തീപ്പെട്ടി ചോദിച്ചിട്ട് കൊടുക്കാത്തതിന്റെ പേരിൽ മൂന്നംഗ സംഘം വീടുകയറി ഗൃഹനാഥന്റെ തലയിൽ കല്ലുകൊണ്ട് ഇടിച്ച് പരിക്കേൽപ്പിച്ചു.മംഗലപുരം വെള്ളൂർ ലക്ഷംവീട് കോളനിയിൽ താമസിക്കുന്ന ലോട്ടറി കച്ചവടം നടത്തുന്ന അശോകനാണ് (80)​ പരിക്കേറ്റത്. ഇദ്ദേഹത്തെ മെഡിക്കൽകോളേജ് ആശുപത്രിയിൽ പ്രവേശിപ്പിച്ചു. വീടിന് സമീപത്ത് മദ്യപിച്ചിരുന്ന സംഘമാണ് ആക്രമണത്തിന് പിന്നിലെന്നാണ് പ്രാഥമിക വിവരം. മംഗലപുരം പൊലീസ് സ്ഥലത്തെത്തി പരിശോധന നടത്തിയതിന് ശേഷം അന്വേഷണം ആരംഭിച്ചു.