പേരേറ്റിൽ ശ്രീജ്ഞാനോദയ സംഘം ഗ്രന്ഥശാലയ്ക്ക് ഹരിത ഗ്രന്ഥാലയം പുരസ്ക്കാരം

മാലിന്യമുക്ത നവകേരളം പരിപാടിയുടെ ഭാഗമായി ഒറ്റൂർ ഗ്രാമ പഞ്ചായത്ത് ഏർപ്പെടുത്തിയ മികച്ച ഹരിത ഗ്രന്ഥശാലയ്ക്കുള്ള പുരസ്ക്കാരം പേരേറ്റിൽ ശ്രീജ്ഞാനോദയ സംഘം ഗ്രന്ഥശാലയ്ക്ക് സമ്മാനിച്ചു. മാലിന്യ സംസ്കരണത്തിനായി ഗ്രന്ഥശാല നടത്തിയ വിവിധ മാതൃകാ പ്രവർത്തനങ്ങൾ പരിഗണിച്ചാണ് പുരസ്ക്കാരം :
പരിപാടി ഒ.എസ്. അംബിക എം.എൽ .എ ഉത്ഘാടനം ചെയ്തു. ഒറ്റൂർ ഗ്രാമ പഞ്ചായത്ത് പ്രസിഡൻ്റ് പി. ബീന പുരസ്ക്കാരം ഗ്രന്ഥശാല സെക്രട്ടറി വി. ശ്രീനാഥക്കുറുപ്പിന് സമ്മാനിച്ചു. . ജില്ലാ പഞ്ചായത്ത് മെമ്പർ വി. പ്രിയദർശിനി, ബ്ലോക്ക് പഞ്ചായത്ത് മെമ്പർ ഡി.എസ്. പ്രദീപ്, ഗ്രാമപഞ്ചായത്ത് മെമ്പർമാരായ എസ്. ഷിബി, സത്യബാബു, ഒ ലിജ , എന്നിവർ സംസാരിച്ചു. ഒറ്റൂർ ഗ്രാമപഞ്ചായത്ത് സെക്രട്ടറി, ജനപ്രതിനിധികൾ, കുടുംബശ്രീ പ്രവർത്തകർ, ഹരിതകർമ്മസേനാ അംഗങ്ങൾ, റെസിഡൻ്റ്സ് അസോസിയേഷൻ ഭാരവാഹികൾ തുടങ്ങിയവർ പങ്കെടുത്തു.