ബോണക്കാട് കാട്ടിൽ മനുഷ്യന്‍റെ ശരീരഭാഗങ്ങള്‍ കണ്ടെത്തി

വിതുര : ബോണക്കാട് കാട്ടിൽ മനുഷ്യന്‍റെ ശരീരഭാഗങ്ങള്‍ കണ്ടെത്തി. പുരുഷന്‍റെ മൃതദേഹമാണ് കണ്ടെത്തിയത്. ബോണക്കാട് കുരിശുമല തീര്‍ത്ഥാടന കേന്ദ്രത്തിന് തൊട്ടു താഴെയായി വനംവകുപ്പ് ഉദ്യോഗസ്ഥരാണ് മൃതദേഹം കണ്ടത്.മൂന്നു സ്ഥലങ്ങളിലായാണ് ശരീരഭാഗങ്ങള്‍ കണ്ടെത്തിയത്. തലയും ഉടലും കാലും മൂന്നു സ്ഥലത്തായിട്ടാണ് കിടന്നിരുന്നത്. ശരീരത്തില്‍ ഭഗവാന്‍ എന്ന് എഴുതിയിട്ടുണ്ട്. ദിവസങ്ങളോളം പഴക്കമുളള മൃതദേഹം അഴുകിയ നിലയിലാണ്.വിതുര പൊലീസും വനംവകുപ്പും സ്ഥലത്ത് പരിശോധന നടത്തുന്നു. സംഭവത്തിൽ ദുരൂഹത തുടരുകയാണ്