കാരേറ്റ്: എം സി റോഡിൽ കാരേറ്റ് പുളിമാത്തിന് സമീപം ഡ്രൈവിംഗ് സ്കൂൾ വാഹനത്തിന് പുറകിൽ ടിപ്പർ ലോറി ഇടിച്ച് അപകടം. ഡ്രൈവിംഗ് സ്കൂൾ അദ്ധ്യാപികയ്ക്ക് പരിക്ക്. ശിവകൃഷ്ണ ഡ്രൈവിംഗ് സ്കൂളിലെ ഷീബയ്ക്കാണ് പരിക്കേറ്റത്.
കിളിമാനൂരിൽ നിന്ന് കാരേറ്റ് ഭാഗത്തേക്ക് പോയ ഡ്രൈവിംഗ് സ്കൂൾ വാഹനത്തിൻ്റെ പുറകിലാണ് ലോറി ഇടിച്ചത്. കാറിൽ മൂന്ന് പേരാണ് ഉണ്ടായിരുന്നത്. അപകട സമയം ലോറിക്ക് സമീപം ഒരു മിനി ഗ്യാസ് വാഹനവും ഉണ്ടായിരുന്നുവെന്നും വൻ അപകടമാണ് ഒഴിവായതെന്നും നാട്ടുകാർ പറയുന്നു
